العاقلة!! لما تفتح ماسنجرها ما تكلم حد.. تنتظر الكل يرحب فيها وهي تبتسم وتقول شكرا.. وإذا حد أرسل لها فايل أو رابط أغنية حطت له علامة استفهام ؟؟؟؟ وتسكت نص ساعة ما تكلمه..!!! ولما تكون متحمسة في الكلام.. تكتب كل كلمة في سطر وتضغط انتر !! .. تخاف من الأخطاء الإملائية. وضحكتها عبارة عن ابتسامه وإذا كانت مبسوطة مرررة تحط ثلاث ابتسامات.: المصلحجية!! ما تسلم عليك إلا مرة في الشهر.. تدخل عليك فجأة وتحط لك ورده !!. .مع أنها كاتسلمل يوم متواجدة وساكتة.. وتستخدم مشغول في الخارج .. وإذا احتاجت مساعدة تجيك وتسلم عليك وتقول وينك من زمان ما شفتك؟ شدعوه ما تسال علي؟ ترى أختي كل يوم تفتح ماسنجري واوصيها تبلغك السلام لأني مشغولة حدي في الدراسة.. خخخخخ حلوه الترقيعه وبعد ما تخلص مصلحتها تقولك عن إذنك بروح أكمل مذاكره وأختي بتجلس مكاني لا تكلمها بليز الرسميـة:!! ترتب المجموعات إلى قسم العائلة و قسم الزملاء فقط.. طبعا ما فيه قسم أصدقاء ..واغلب كلامها مثل.. احترم نفسك.. رجاء هذي أمور خاصة فيني.. ولما تسالها شخبارك؟ ترد أنا بخير وتسكت..!! وإذا سلمت عليها ترد وعليكم وتسكت..!! ولما تعطيها إهداء تقولك شمعنا أنا بالذات؟ واغلب وقتها تقرا مواضيع في المنتديات في قسم الرأي الآخر.. وتعشق برنامج الاتجاه المعاكس الهبلــة:!! هذه كل سوالفها ضحك .. وكل شوي تكتب نكته وتضحك لحالها.. وضحكتها طويله تقريبا ثلاث سطور.. واغلب كلامها بالصور.. تستخدم كل صور الماسنجر وغلطاتها الإملائية كثيرة.. وتجمع عدة أشخاص في صفحة واحده .. وتتكلم عن ثلاثة مواضيع في وقت واحد.. وتقرا العناوين الرئيسية في الجريدة وتجي تسال عنها.. ينقالها متابعة الأحداث العالمية خخخخخخ. وكل شوي تغير الصورة الجانبيه.. والنك.. ولون الخط الدفشــة!! : تغيب أيام طويلة مدري وين تروح وترجع فجأة .. وكلماتها مثل.. شخبار أمك عساها طيبة؟ يادلخ.. انقلع.. ضف وجهك.. ابي فزعه.. لا تزعل من خويتك تراني امزح.. ودايم تطيح الميانة.. وثقافتها ما تعدى المتوسطة.. وتفكيرها في البر والتفحيط والددسن.. وتمووت في اغاني خالد عبدالرحمن.. وما تعرف من العطورات غير دهن العود ابوعشرين.. ولو كلمتها عن ماركة قوتشي او ديور بتقولك مقاطعة الامريكان.. وضحكتها زي كذا هع هع وتكتب بلون اسود لانها ماتعرف تغير الالوان هع هع. البطــــة....!! طباخة ممتازة وتحب تسولف عن الاكل .. ودايم جوعانه.؟؟. ونقطة ضعفها الجالكسي جواهر والاندومي.. وقبل موعد العشا بساعه يكون مزاجها متعكر ودايخه و تسولف من غير نفس ... ولما ينادونها للعشا تقفل الماسنجر بسرعة البرق.. وعادة يكون نكها فراولة الخليج او شوكولاته أنيقة او رمانه مخصرة.. ودائما تتكلم عن تجاربها الفاشلة في الريجيم هع.هع . مستحيل تشوفها في النهار لان الجو حار.. اوقاتها من العصر و طالع. دمها خفيف ومرهفة المشاعر وأقل موقف ممكن يبكيها. البريئــة!! عمرها يكبر وعقلها مايتغير مازالت طفله وعلى نياتها.. تثق في كل الناس وبسرعة تتأثر.. وكل يوم تسألك كم عمرك؟ تعشق سبيس تون وبينك بانثر و تحب تسولف عن الأزياء والتسريحات.. تتواجد في العصر و المغرب لانها تنام بدري.. ماعدا يوم الخميس طبعا !! شعارها الدنيا حلوة.. احيانا تجيك سكتة قلبية من غبائها ومع ذلك هي الاولى في المدرسه .. لو بلغتها باسرارك بتفضحك في كل المنتديات.. تخاف من الأرنب والقطوه و أي شي يمشي على اربع رجيل.. حتى انت لو تمشي على اربع بتخاف منك الشينـــة!! اسمها الحقيقي .. حصه او عنبره او رقيه.. ويعايرونها في البيت ام ضرس او الحولا او البطه او ام جبهة.. وتجي الماسنجر تتميلح وتقول اسمي الجوهره او فاتن او شهد او هيفاء ..ودايم تنتقد و مايعجبها العجب.. واذا شافتك مشغول انواع الهواش والشتايم واذا عطيتها وجه انواع الصفط والركب تحتار كيف ترضيها..؟؟ تعطيها اغنية تقولك ماحب ... ترضيها..؟؟ تعطيها اغنية تقولك ماحب الاغاني.. تعطيها كرت تقولك انا مو بزره قدامك.. تشبه سنفور غضبان.. كل شي يضايقها وكل شي يزعلها.. تكره اليسا ونانسي وتموت في الطقاقات. ماتعرف تجامل ولاتمدح الا نفسها.. دايم توصف نفسها بالجمال والرشاقه ..تختار اسماء مثل الدلوعة.. الفاتنة.. الماسة .. الى اخره. المتزوجـة!! هذه ممكن تكون سبب في كرهك للزواج .. كل سوالفها عن مشاكل الزواج و غثى اعيالها.. وفجأة تقولك برب وتروح تصايح على اعيالها وترجع وكل يوم تسألك متى ناوي تتزوج عشان نفرح فيك؟ واذا وصل زوجها للبيت تقفل الماسنجر في وجهك وتطلع من غير لاتقول باي .. اوقاتها مختلفه مالها وقت محدد.. وترز صورة اعيالها في الماسنجر ينقالها تحبهم خخخخ.. شعارها يازين حياة العزوبيه .. نكها مثل المهمومه.. الجريحه.. المهاجره.. وتحب تسمع الكلام العاطفي وأغاني عبدالحليم.. مزاجها متقلب مره تضحك ومره تبكي واحيانا تنام على الكي بورد
منقولة
منقولة